誰能明白我

"昂然踏著前路去，追趕理想旅途上，前行步步懷自信，風吹雨打不退讓..."

林子祥這首作品曾經盛極一時，一股自我一股併勁直上心頭；今天聽來我卻感到無限蒼涼．

農曆年身邊人同我講，我嘅脾氣變差咗，示意我多加留神，嘗試將工作和生活分開一Ｄ．可惜四個月後嘅今日，我變本加厲，每每將芝麻小事化成天一般大．

身體一天比一天疲備，精神一天比一天散亂．
老友唔明白我想點，身邊人唔明白我嘅見解我嘅意思，正如我唔明白佢哋一樣！
討論問題變成問題多多，甚至變成吵咀嘅原因，到頭來問題變得更複雜，
發現自己開始越來越唔識去表達自己．有時甚至完全唔想講嘢！
我係咪已經達到嘅抑鬱地步，係唔係應該去睇下心理科醫生或者精神科醫生呢？

當我自己都唔係太明白自己嘅時候，醫生會唔會明白我呢？

我係咪傻咗呢？我係咪癲咗呢？

我好辛苦呀！