好生意

尋晚迫不得以地去搭的士，搭嘅距離大概係兩個地鐵站倒．

平日好少可咁短路程都走去搭的士，所以一上車講完去邊就先同果位司機大佬交代咗一聲："唔好意思呀，司機大佬，路程咁短"．誰不知佢哈哈大笑，我冷不提防佢有咁嘅反應覺得好好奇．佢跟手回我一句："傻啦！有得做總好過冇得做，話唔定去到又接到個長線客呢！"因為咁我同果位司機大佬居然起上唻．

雖然祗係十八蚊三分鐘嘅過程，但係上車同落車時候嘅心情居然可以完全唔同．抱住一個咪執輸嘅態度，落車嘅時候我加多咗句"好生意"，然後怱怱落車！我冇回身去望果位司機大佬嘅表情，但係我諗應該都唔會太差掛．

諗返轉頭，司機呢個行業都好辛苦，一更車係咁揸，又要面對塞車，又要望天打掛求好客．一個唔覺意接咗隻醉貓，隨時就一車都係嘔吐物，人工都蝕埋．我相信果位司機大佬同你同我一樣，都係搵食艱難嘅一群人，唔一定成日都好生意．但係帶住一句可以喜悅人心嘅說話响口邊都唔錯呀．

喂！老友，好生意呀！