唔太習慣

公司早前被收購，要再簽過份新合約，零六年一月一號生效．合約內容，擱下不表．

當中有人決定簽，亦有人決定納埋雞碎咁多嘅遣散費走．

走佬嘅人，我羨慕佢哋嘅勇氣，同時亦恭喜佢哋有新發展嘅機會；簽名留低嘅人，唯有繼續工作．士氣之低，前所未有．

走佬嘅人，雖然暫時未見得係好好；但係留低嘅人就真係唔太好，除左人手少咗工作多咗之外，仲要擔心埋搬去四方八面新地盤嘅適應．心情有如當年滯留香港的越南船民一樣－等遣返．一時三刻所有共事五年多嘅同事就好似被海關打擊翻版果Ｄ古惑仔一樣各散東西．

唔太習慣工作間一時間靜咗落唻；唔太習慣返工少咗趣味；唔太習慣要過祗要有"糧支"的生活．睇怕呢種唔太習慣嘅生活都要一段時間致可以適應落唻．

我好萌塞，現在我祗係想依然固我地做好件事多過想做完件事．