精英補習人．學做古惑仔

尤記得中學會考年代已經極之流行補習社，大部份出名嘅補習社都以某某名師為號召．當年嘅名師雖然土土地，但係真係幾有料．至少我連一科都無肥佬啦！

時至今時今日，補習社居然變成地鐵廣告牌同巴士車身廣告，所謂嘅名師就染晒頭長晒毛咁．心裡面諗，如果我有個仔比佢哋補完，唔知會唔會响社團裡頭坐到一個比較穩陣嘅位呢？幾時可以上位做得成揸Fit人．如果會考中英數都Cre到，可唔可以九個場睇吓呢？

現今補習社名師＝高等教育古惑仔

係，我以貌取人．但係冇計，唔通要我用成個學年去驗証金毛補習名師嘅真與偽咩！唔洗錢呀！